Wana Koiola kogokonna kohtun, Wissel, sel 13tal märzil 1872.

Man olliwa kohtowanemba eest  Peep Tobree 

                                   kohtomees  Johan Keerd

                                         do           Johan Härms

Jacob Lutzar kaibap, et temal om Andres Plakso 9 palki jäänu, mespääle kaup kül olli edemalt tettu nink 5 rbl kae raha saanu, ent käe raha tagasi ara wõtnu - kui Andres Plakso selleperastki weel tema ostetust metsas ragoma lännu nink Jacob Lutzar sis seda ei ole tahtnu laske tetta, sis om Andres Plakso teda pikkäle maha löönu, nõwwap kakkeluse nink palke eest kokko 50 rbl. -

Andres Plakso ütles et neide kaup om 5 kopka toll lepetu olnu om ennegi 10 tüwwe tema kätte jäänu nink 3 latwa, mes ette 5 rbl käeraha andnu, ent Jacob Lutzar om temale see käeraha teedmata karmanihe tagasi pandnu. Om üle koige neide kuwwe tüwe nink kolme ladwa ennege 60 tolli, mes tema arwo perra

3 rbl massap neide lepingu perra. 

Otto Lutz and selleman tunistust, kui pedaja maha ragomise man tüli tulnu, sääl om Jacob Lutzar tum weli kirwe ette pandnu, et es peas rajotama; sis om Jacob Lutzar kats kõrd Andres Plaksole kirwesilmaga n. kolmat kõrd rindo löönu - nii et kattessa päiwa neist löögest haige olnu. 

Jaan Kottisse utles niisama walja kui Otto Lutz.

Peter Pranz and tunistust, et Andres Plakso om tahtnu kiige parembit pedajit henele korjata, kui Jacob Lutzar seda ei ole tahtnu laske tetta, sis om Andres Plakso Jacob Lutzari kinni wõtnu nink maha löönu, pääle selle om Jacob Lutzar kats kord Andres Plaksole kirwega sälga löönu. -

Andres Plakso wastutas selle tunistuse pääle, et Peter Pranz kakkel seeni meije hobestega, kumba ta pes nink säält ära aije, sest tema olli Jacob Lutzari töömees ja sellega ütten nõun. -

Reinhold Sander ütles wälja et tema om nännu kui Jacob Lutzar käeraha tagasi andnu. -

Mõistetu: Et AndresPlakso oma ütlemise perra 9 palki tema kätte saanu massap 9 rb neide eest Jacob Lutzarile, mes tema es pea enamb tooma kui käeraha tagasi saanu. Nink tunistajide walja ütlemise perra et toine toist omma pesnu, ent seda tõttes ei ole saanu, kumb kumale enne lei: massap niihäste Jacob  Luitzar 3 rbl, kui ka Andres Plakso 3 rbl kogokon(n)a laadike trahwi. -

Kohtokaujile otsus ette loetu, suuremba kohtu käümise säädus § 772, 773 n 774 pera kuulutetu ja opusleht kätte antu. 

                                    Kohtowanemba eest kohtomees Peep Tobree  XXX

                                                                               do          Johan Keerd  XXX

                                                                               do          Johan Härms  XXX

                                                                         Kirjotaja  Black.

Andres Plaksole, protokoll, sel 15tal märzil s.a. wälja antu.

                                                         Kirjotaja P. Black