Wana Koiola kogokonna kohtun, Wissel, sel 13tal märzil 1872

Man olliwa kohtowanemba eest kohtumees Peep Tobree

                                                         kohtomess Johan Keerd

                                                                    do     Johan Härms.

Jüri Haak Wahtse Pigande mees, elap nüüd Sõrrestun - soldat - kaibap et tema om Andres Plakso pool olnu saage lõigaman, kui nimetetu peremees om utskõrd ööse kodo tulnu ja sõimanu et sääratse santi saas ära ajetus. Kui tõisel hommogul söömise man oma kõnnelnu, selle tüli üle mes ööse olli, sis om Andres Plakso temale rindo löönu; jättap trahwimise kohtu hooles.

Andres Plakso ütles, et tema löönu ei ole, enge kae olade pääle pandnu, üttelden, meistre ega sest paha ei ole.

Peter Koowik, Koorastest and tunistust kui Jüri Haak selsimees - et Andres Plakso edimalt söögi lawwa man löönu, perast seda pääd saina nink wiimselt keset tarre Jüri Haakle weel kõrwa paale andnu.Wallawanemb Samuel Härms and selle asja üle tunistust kui neide tuli asja seletaman käunu, et sulase naine Mai Lutz om üttelnu, et löömist tema ei ole nannu ent rüselnu kul om(m)a. -

Mõistetu: Et katte tunistuse labi tõttes saanu, et Andres Plakso Jüri Haakle löönu, massap 4 rbl kaibajale terwuse rikmise eest; nink et Andres Plakso kakkeluse asjan kogokonna kohtu een alati , mes protokolist nätta - massap sääratse asja eest 3 rbl trahwi kogokonna laadikohe - selle manitsemise man kui weel edespidi peas säärast ette tulema, saap - sis niisugune asi pääwäärolise kohtu kätte antama. 

Kohtokäüjile otsus ette loetu suuremba kohtu käumise saadus § 772, 773, n 774 perra kuulutetu.

Andres Plakso kuulut, et tema selle kohtu otsusega rahu ei ole, pallel protokoll wälja, mes ka lubatus sai.

                                Kogokonna kohtowanemba eest kohtomees Peep Tobree  XXX

                                                                                                do          Johan Keerd  XXX

                                                                                                do          Johan Härms  XXX

Andres Plaksole eensaisaw protokoll, sel 15tal marzil s.a. wälja antu. - 

                                                                                 Kirjotaja P.  Black

Sel 26 apr Jurri Haak 4 rublat wasta wotno

                                                                                     Jurri Haak  XXX