Wana Koiola kogokonna kohtun, Wissel, sel 27tal märzil 1872.

Man olliwa kohtowanemb: Jaan Pihho

                        kohtomees   Peep Tobree

                            do               Johan Keerd

Johan Black kaibap, et Johan Pikk om tema mõtsast 12 koiwo kolm tolli kannu päält läbi pakso warastanu - nowwap 12 rbl. -

Johan Pikk wastutas, mina ei tiija neist kõiwost muud midagi, et kui weskilt kodo tulli, sis wastutiwa mino sulase, et öse toime Black mõtsast. 

Johan Pikk sulase, Peter Sing ja Mihkel Maasik wastutase, meje tõieme Patra mõtsast, peremees es aja meid sinna joht, enge üttel minge mõtsa ja meije lätsime.

Kui Johan Black wöörmöndre Peter Singaga lännuwa kaema kost see koiwo rajotu, sis omma weenu Johan Pikk sulase Patra mõtsa, kost hawa rajotu - mõtsast, ent selkõrral olli kõiwo kodo toodu. 

Otsus: Massap Peter Sing 2 rbl Black´le koiwo eest nink 1 rbl trahwi waeste laadikohe, niisama ka Mihkel Maasik 1 rbl trahwi waeste laadikohe, nink 2 rbl kahjo tasomist Blackle, 14 päiwa sisen ära massa. -

Otsus ette loetu.

                                              Kohtowanemb Jaan Pihho

                                               Kohtomees:     Johan Keerd  XXX

                                               Kohtomees: Peep Tobree  XXX