Wana Koiola kogokonna kohtun, Wissel, sel 3tal april 1872.

Man olliwa kohtowanemb: Jaan Pihho

                        kohtomees   Peep Tobree

                        kohtomees  Johan Keerd

Joosep Kriiwa kaibap, et tema om Jaan Saarwa sulases kaubelnu, sellepääle käeraha andnu, ent ei ole teenistuste lännu, nink toisele peremehele henda ära kaubelnu, nõwwap et tema mano saas teenma pantus. -

Jaan Saarwa and wastust, et Joosep Kriiwa käest käeraha ei ole wõetu olnu, om emale haino wõtnu /Joosepi/ tema käest, see eest om saanu 2 rbl arwatus.

Joosep Kriiwa ütles, et kui Jaan Saarwa om Blacki käest käeraha wõtnu - sis tema teda tõrelnu, nink hendast prii jätnu. Jaan Saarwa tunistas et Joosep Kriiwa om teda kapstamaarja poolpäiwal ära ajanu selle ütlemisega:"nüüd olet sina minost prii." - ja 1 rbl 70 kopkat palka masmata jätnu. -

Mõistetu: Et selget kauba tegemist ei ole olnu, nink Joosep Kriiwa ka Jaan Saarwat oma ütlemise perra ära ajanu, et temal Blacki mano kaup olli tettu, ei woi tema midagi nõuda ja peap Jaan Saarwale 1 rbl kui seget palka perra masma.

Otsus ette loetu. -

                                         Kogokonna kohtowanemb:

                                                                  kohtomees:  Johan Keerd  XXX

                                                                  kohtomees:  Peep Tobree  XXX

                                                                Kirjotaja P. Black