Wana Koiola kogokonna kohtun, Wissel, sel 3tal april 1872.

Man oliwa kohtuwanemb: Jaan Pihho

                      kohtumees:   Peep Tobree

                                 do        Johan Keerd.

Peter Norring kaibap, et Peter Sell temale maad andnu 2/3 wakka ala, ent nüüd wõttap käest ära, selle et minewa aasta sitta pandnu, nink ristkhain pääle külwetu - nõwwap maad tagasi.

Peter Sell wastutas, et Peter Norring ei ole selle maa eest kõige wähemb temale päiwi tennu neli aastat, selle perast wõttap oma maa käest. 

Päälegi om weel Peter Norring oma lubaga, tema maad ütte jao küttisses tennu, nowwap et säärne ülemeelik töö saas keeltus.

Peter Norring nõwwap Peter Sell käest 6 rbl wõlga nink 4 mõõtu rükki kätte saada.

Peter Sell wastutas, et minol ei ole midagi temale massa.

Mõistetu: Peter Norring wottap risthaina päält, sitta eest, maa jääp, Peter Sell´´ le perast seda, röa poimap Peter Norring küttissest põllu tegemise eest - maa jääp perast seda Peter Sell´le. -

Kohtu otsus ette loetu. -

                        Kohtowanemb:

                           Kohtumees:   Peep Tobree  XXX

                           Kohtomees:   Johan Keerd  XXX

                            Kirjotaja P. Black