Wana Koiola kogokonna kohtun, Wissel, sel 24tal april 1872.

Man olliwa: kohtowanemb: Jaan Pihho

                        kohtomees:   Johan Keerd

                        kohtomees:   Peep Tobree

Märt Karulaas kaibap Wisse kõrtsimehe Jaan Lutzari pääle, et see teda pikale ede-kõrtsi maha löönu, perast kõrwa pääle andnu, kui tema 1 leisikat heringit olli ostnu nink raha selle eest masnu, nõwwap oma löömiste eest 50 rbl. -

Kõrtsimees Jaan Lutzar wastutas, mul se ole tüli asja midagi, kui pund heringit olli ostetu, aije mina teda kodo, sest tema joi weel kella 9 aigo odango

2 1/2 kortinat wiina; edimalt lei tema minole, see es ole joht suur asi sis lei mina ka üts kõrd wasta. -

Märt Karulaas wastutas, see es ole mitte nii, ja pand tunistajas Peter Keerd Mihkel Puistaja nink Johan Leis. -

1, Peter Keerd and tunistust: kõrtsimees Jaan Lutzar aije Märt Karulaas ära, ent tema es lä, koputas kõrtsi letti pääle, nink ka kõrtsimehe käe pääle, sis om kõrtsimees kül ütte kõrwa lopsi andnu, ja wälja kiskmise man maha kukkanu - poolt ust es ole kõrtsil een. - 

2, Johan Leis utles wälja: kui kõrtsimees nakkas Märt Karulaas kodo ajama, ilma et see temale midagi oles üttelnu, ja weel ära minna es taha, üttelden, mina taha wiina, mes ka es anda, sis om kõrtsimees Märt Karulaas kae pääle löönu kats kõrd, sis weel om Märt kõrtsimehe käe pääle kopsanu, selle pääle om kõrtsi-

mees ütte kõrwa hoopi toisele andnu, mes kel 8 aiga õdangu olnu. 

Kolmas tunistaja ei ole Kioma wallast ette wõetu saanu, et ei ole tulnu. 

Kõrtsimees pand omalt pool tunistajas Jakob Aumann ke wälja ütles, et kortsimees ütte kõrwa hoobi Märt Karulaasle andnu. -

Mõistetu: Et Jaan Lutzar muid lask kõrtsin olla, nink ütsinda Märt Karulas nakkas ära ajama, kon letti es ole, nink kakelust edimalt tegi oma heringe müümise man. - 

Otsus: Massap Jaan Lutzar Märt Karulaasle 10 rbl täämba selle korwa löögi eest. -

Otsus ette loetu, suuremba kohtu käumise säädus § 772, 773 n 774 perra kuulutedu.

Jaan Lutzar and üles et tema selle kohto otsusega rahu ei ole pallel protokoll wälja, mes ka lubatus sai. -

                    Kogokonna kohtomehe asemel  kohtomees Peep Tobree  XXX

                                                                             kohtomees Johan Keerd  XXX

                                                                    abi   kohtomees  Mihkel Kurwitz