Wana Koiola kogokonna kohtun, Wissel, sel 24tal april 1872.

Man olliwa, kohtowanemb Jaan Pihho

                          kohtomees Peep Tobree

                                 do          Johan Keerd

Johan Lutzar kaibap: kapstamaarja päiwal om tema oma wele poole Lutzu kõrtsi lännu, sääl om Mihkel Sõrg teda sõimama naanu: maailma waras, suntko sino elo ja elamise, pallep kogokonna kohut, et säärne üle meelik sõimamine saas trahwitus. 

Mihkel Sõrg wastutas, kui tema Johan Lutzari käest omma aasta palka naanu nõudma, sis om teda näljatses naanu sõimama, selle pääle om kül üttelnu, waras mes Sändra ratsa witsa perast neide asi maa kohtun een olli.

Johan Lutzar pand tunistajas, kohtomees Peep Tobree, Jakob Lutzar n Jaan Jarweots. 

Jaan Jarweots and tunistust ,et seda om tema kul kuulnu, kui Mihkel Sõrgk poig Johan Lutzarit trotsnu, ent temast hendast ei tiija tema midagi. 

Jacob Lutzar ütles wälja: Mihkel Sõrg üttel Johan Lutzarile "mes ilma warras." -

Kohtomees Peep Tobree ütles: kõrtsi sisse minnen om Mihkel Sõrgk kül üttelnu üle ültse "maailma waras", aga kelle pääle see sõimus tahendas, seda tema ei tiija, -

Moistetu: Et säärne tüli ule ultse kõrtsin olnu, kost kellegi kahjo ole sündinu, sest om nätta et see kaibus asjanda. Nink et protokollist nätta maa kohtun, et Johan Lutzar ke selle asjan kohto al olnu, seeperast sa kaibaja midagi. -

Kohtokäujile otsus ette loetu, suuremba kohto käumise säädus § 772, 773 n 774 perra kuulutetu. -

Johan Lutzar kuulut, et tema selle kohto otsusega rahu ei ole pallel protokoll wälja, mes lubatus es saa. -

                                Kohtowanemb:

                                Kohtomees:

                                Kohtomees: 

                              Kirjotaja P. Black