Man olliwa kohtowanemb: Jaan Pihho

                      kohtomees:    Johan Keerd

                       kohtomees:  Peep Tobree

Wallawanemb Samuel Härms kaibap, et Johan Kurwitz kee oma ema eest 42 rbl nink 42 kopkat lazaretti raha masnu, nink selle eest pidi rekruti hirmust päsema; ent kui kihelkonna kohus 1872 a. teda ära loose, nink poole wele ke üttest esast ema toitjas arwtu, nõwwap et Jaan Kurwitz Johan Kurwitze weli see raha peap ära masma, - selleperast et Johan Kurwitz kroono teenistuste ära lännu. -

Jaan Kurwitz wastutas, et mina selle ei massa, sest mina ei tiija niisugutsest asjast midagi.

Wallawanemb Samuel Härms wastutas weel, et Jaan Kurwitz peap ka weel see läsk Eewa Kurwitz üles pidama, selle et teda nimelt kee esa maja perinu, nink ka kommission kohus, teda sis arwanu. -

Toine weli Peter, kee niisama soldatis ära antu, ent henda wälja ostnu, nõwwap, et sis ennege luppap tema ema toita, kui esa maajast Jaan Kurwitz poole ära annap. -

Jaan Kurwitz wastutas, et seda tema ei luppa. -

Mõistetu: Et Jaan Kurwitz, esa maaja pere nink toise wanemba wele tema järgmatse Peter nink Johan soldatis ära lännu, nink kihhelkonna kommissioni kohus teda wanemba toitjas arwanu, et poig üttest esast peap ema toitma, seeperast peap Jaan Kurwitz Ewa Kurwitz lazaretti raha 42 rbl 42 kopkat 1 januaril 1873 ära masma, wallawalitsuse kätte, nink peap tõiselt seeni, kui tema kiige noremb weli 21 aastat wanas saap, nink rekrutis ära es lää, ega aasta oma emakule (Ewa Kurwitzele) kee temast jo erale, nink nüüd enamb ütte elama ei sünni, üles pidamises andma: 2 waka rükki, 2 waka kartohwlit ega aasta maha pandma, 1 wak keswi nink lehmale talwel põhk; korter ja lämmi hendale. -

Otsus, ette loetu.

                                     Kohtowanemb J. Pihho

                                         Kohtomees: Peep Tobree  XXX

                                         Kohtomees: Johan Keerd  XXX

                                          Kirjotaja: P. Black

Otsus, ette loetu, oppus leht Jaan Kurwitzele tema kuulutamise pääle et selle otsusega rahu ei ole - katte antu.

Protokoll, sel 3tal mail wälja antu.