Wana Koiola kogokonna kohtun, Wissel, sel 11tal julil 1883.

Man olliwa kohtuwanemb: Peter Sing

                     kohtumees:     Johan Keerd

                            do              Jaan Tobrelutz

Uibo mees Jakob Trompsi kaibap, et kui tema oma esa poolt tulin Wanakülla tahtnu peremehe poole tulla, sis om Kiisa külan Jaan Semm usaijan Jaan Käärikega, kui teda An Semm magauste künni kutsnu, ent ei ole mitte sisse lännu nink lawe pääl Jaan Kaariket ootnu, sinna om Peter Semm temale mano tulnu kamaski jalast ära kisknu, sel ajal om Johan Sau teda kinni pidanu nink pikale maha tõmmanu. Kui Peter Semm teda rööwnu, om tema pää weritses pesnu, nink et mitto aiga maan haige olnu. Kui tema om Jaan Kääriket api kutsnu, ent see ei ole mitte appi lännu.

Peter Semm annap wastust et tema ei kaibat riisnu, ei ka pesnu, niisama ütles ka Johan Sau wälja et tema kaibajat ei ole riisnu.

An Semm annap tunistust, et tema om kül kuulnu, kui Jakob Trompsit om pestu, ent pesjat ei ole tundnu.

Kaibaja annap üles et selle pesmise man om ka noor Peter Käärik olnu, nink teeda pesnu, kon Joosep Kolt ust pidanu kui teda ära rööwitu.

Joosep Kolt ei ütle midagi sest riismisest teedwat.

Jaan Käärik annap tunistust et tema om kül An Semm man olnu, nink Jakob Trompsile abis olnu, et teda es oles pestus saama.

Kreistohtre tunistuse perra om Jakob Trompsi kül pestus saanu nink tohtre abi andnu, ent aiga pitte woip terwes saada.

Selleperast et ööse rööwmine ette tulnu, nink üts salk norri inemisi ütte kokko lannu nink Jakob Trompsil saapa ära riisutud saap see asi Keisriliku Wõrro Maa-

kohtu kätte saadetus. 

                                        Kohtuwanemb: Peter Sing

                                           Kohtumees:   Johan Sing

                                                 do              Jaan Tobrelutz

                                               Kirj. P. Black