Wana Koiola kogokona kohtun, Wissel, sel 2tal augustil 1883. 

Man olliwa kohtuwanemb: Peter Sing

                         kohtumees: Johan Keerd 

                               do            Karl Sikkal

Ado Hurt nink Joosep Joosep Hurt kaibawa, et koolmeistre Peter Hurt om neide jaost weski haina maa ära niitnu, kost üts ree koorma haino saanu, nõudwa selleperäst oma kahjo tasomises 10 rubl Peter Hurt käest. 

Koolmeistre Peter Hurt annap wastust et kui maamõõtmise aigu om kupetsit Hurda weski järwe weerde pantu nink tema om üttelnu, et see om koolimaaja haina maa, tol kõrral oma Ado Hurt nink Joosep Hurt lubanuwa, et nema weski järwe weert kunagi niitma ei tule et see jääp koomesitrele. Neid haino om ka weidi üle koige kats sulatäit olnu, mes tema niitnu.

Kaibaja andwa seletust et nema Peter Hurtle järwe weert niita kostki poolt lubanu ei ole. -

Mõistetu: Et awalik, et koolmeistre Peter Hurt, Ado Hurt nink Joosep Hurt weski jao päält haina niitnu mes kohtumehe Johan Keerd ülekaemise perra 15 punta wäärt.

Otsus: Koolmeistre Peter Hurt peap 4 rubl kahjo tasomist Joosep nink Ado Hurtle 14 päiwa sisen ära masma. Nink sis kääp see aasta weski järwe weert ka kool-

meistrele niita.

Otsus ette loetu § 772, 773 n 774 kuulutet. -

                           Kohtuwanemb: Peter Sing

                                Kohtumees: Johan Keerd  XXX

                                     do              Karl Sikkal   XXX

                                        Kirj. P. Black