Wana Koiola kogokonna kohtun Wissel, sel 2tal augustil 1883

                                                                                                 #

I. Karl Härms kaibap, et An Wals oma tema mano aastas teenma lepnu, om kats nädalit teenistusen olnu nink ära lännu, teenistus poolele jatanu.

Aasta palk om lepitu olnu 25 rubl selget raha, 1 leisik linno, 1 paar pooli saapit, 2 naela willu.

II. Om An Wals teda sellega häbemata wiisi trotsnu, et peremees oles teda häü tööle kiusanu, nõwwap selleperast An Wals käest edimalt lepitud aasta palka nink toiselt trotsmise eest trahwi.

An Wals oma eestsaisjaga Jaan Laul annap wastust, et Karl Härms om tema magauste sisse tüknu, ent tema ei ole ust wallale lasknu, om läbi usse lahi kaenu nink nännu et Karl Härms omme kambre lännu; selleperast om ka teenistusest ära lännu.

Palga lepmise ütles An Wals õige ollew, ent uts nagel willo om ennegi katte nagla eest lepitu olnu. 

Asja mano sai mõlembilt tunistust nõutus, ei ole kumaltki poolt tunistajat antu, ei olew kedagi kauba tegemise ei ka aita sisse küsimise man olnu.

Mõistetu. Et awalik et teenistuse kaup aasta pääle tettu, ent trotsmise üle tunistust ei ole.

Otsus: An Wals peap Karl Härms 25 rubl 25tal marzil 1884 aastal wälja masma - trotsmise üle kaibus tühjas arwatu.

Otsus ette loetu § 772 - 774 kuulutetu.

                                     Kohtuwanemb: P. Sing  XXX

                                       Kohtumees:     Joh Keerd  XXX

                                               do              Karl Sikkal  XXX