Wana Koiola kogokonna kohtun, Wissel, sel 15tal augustil 1883.

Man olliwa kohtuwanemb: Peter Sing

                       kohtumees:   Johan Keerd

                               do           Jaan Tobrelutz

Adam Sussi kaibap, et temal om oma maja mant tiigist 48 küünart linast roiwast 2 küünart lai ära warastetu, kuna tema om seda rõiwast lännu Kioma mõisa takan otsma, sis om Jüri Renn Kioma moona mees tol kõrral Rapinalt tullen tema poolt see roiwa warastanu, kui ta Kioma saanu, sis om kaibaja ka järgi saanu, nink esi weel nännu kui rõiwas wankri päält ära peitnu, kon selge like roiwa ase wankri pälis lawwa pääl weel tutta om olnu, mes ka Kioma moisa perisherra von Schwebs nännu, pääle selle om Jürri Renn see põhilawwa ära käknu, nink wana kraami sisse pandnu mes mõisa herra nätten üles om otsitu.

Kaibaja panep oma rõiwa kahjo 30 rubl nink nõwwap seda warga käest kätte saada, ja kohtuliku trahwi. -

Kioma moona mees Jürri Renn annap selle warguse perast wastust, et tema ei tiija kaibaja rõiwast midagi. 

Kioma kogokonna walitsusele om saanu ette kirjotetus - Kioma moisa herra von Schwebs kaest kirjalik tunistus palleldus selle warguse perast - ent tunistust ei ole siija saanu. 

Kioma mõisa kubjas om ka selle man olnu kui rattaste põhi laud om labi kaetu nink löutu, et like roiwa ase om neide rattaste põhi lawwa pääl olnu, kellega Jürri Renn Toolamaa mõisan käunu, nink säält kodo tulnu nink roiwa olla ütten lassi tiigist warastanu ja selle wankri pääl edes wiinu.

Jürri Renn ütlep, et kui tema kodo Toolamaalt tulnu, om need nelja keise pääl olnu, keda tema ei ole tundnu.

Selle et warguse asi üle 10 rubl, saap § 1070 see asi Keisriliku Wõrro Maakohtu kätte saadetus.

                                       Kohtuwanemb: Peter Sing

                                          Kohtumees:   Joahan Keerd

                                                  do            Jaan Tobrelutz

                                                 Kirj. P Black