Wana Koiola kogokonna kohtun, Wissel, sel 15tal augustil 1883. -

                                                                                            #

Wana Koiola mõisast Joosep Zupsmann kaibap, et Pragi wallan elaja Jaan Kuhi kee ema tema poole tera mees Wana Koiola mõisan elli, om tema töö sellega ära narinu - kartohwli kuhja (kolm kuhja kiik 200 waka ilda kinni ajanu), perast lasknu ära külmata, kost midagi ei ole ülejäänu nink ära määnu.

2.  10 süld puud ragomata jätnu                         10 rubl

3.  12 waka maa kundmata jatnu                         20  -

4. 3 Tarto woori wiimata jätnu                             9  -

5. 150 redli puud wedamata n ragomata             3   -

6. 30 sae lauda ära hawitanu                                5   -

7. Kartohwli kahjo                                               120   -

                                                  -------------------------------

                                                         Summa         167  rubl 

Pragi wallamees Jaan Kuha annap wastust, et temal om wiis süld puid ära raotu, nink wiis süld ei ole saanuki, selle om wiije süle puu ragomata jätnu, ei ole ka aja pääle mõtsa kätte antu. 

2. Maa om kiik lepingo perra kündnu, nii paljo kui temale saanu 4 waka maad om tema ka künet maa käest andnu. 

3. Woori käumist ei ole lepitu olnu.

4. Redeli puu omma mõtsa rajotetu, ent kodowedamine ei ole tema asi olnu.

5. Saelawwa omma kiik Wana Koiola mõisa jäänu.  

6. Kartohwli kuhja omma mädanema lännu, selle et toro omma halwaste sisse pantu, ent külmanu ei ole kartohwli mitte. 

Kaibaja Wana Koiola mõisast Jaan Kusnez annap tunistust, et selle omma kartohwli kuhja ära määnu, et neil om paljo maad pääl olnu ajetu, muust asjast ei tiijä midagi üttelda. 

Mõistetu: Et Jaan Kuhi kaibaja kartohwli kuhja kinni ajamise hooletuse perast lasknu ära rikutada.

Joosep Zupsmann kuulut suuremba kohtu käumist mes ka lubatus sai, - niisama om ka Jaan Kuhi suuremba kohtu käumist kuulutanu. -