Wana Koiola kogokonna kohtun, Wissel, sel 29 augustil 1883.

Man olliwa kohtuwanemb: Peter Suig

                         kohtumees: Johan Keerd

                               do           Jaan Tobrelutz

Jaan Matzen kaibap, et Hindrek Kiik om teda henele wäimehes wõtnu, nink henne man lubanu naisega pitta seeni kui Hindrek Kiik elap, ent nüüd om naiseesa teda henne mant ära ajanu, ja ei ole omma lepingot pidanu, nõwwap oma lepingot sellen täuta, et Hindrek Kiik temale oma maa nink kodapoolike hoone peran surma jättap. 

II. Nõwwap 2 wakka rükki kätte mes naise esale om lainus maha külwa andnu.

III. Üttisest kaswatetust zeast poole henele.

I. Hindrek Kiik annap wastust, et tema ei lupa oma wäimehele omast maast ei majast oma wäimehele Jaan Matzen midagi.

II. 2 waka rüki om ütte waska kaswatamisega tasa saanu.

III. Zea man ei olewat wäimehel Jaan Matzenil määrastki jago.

Jaan Matzenist pantu tunistaja wallawanemb Jaan Maasik annap tunistust - et Hindrek Kiik om oma maja nink maa peran oma surma oma wäimehele lubanu, kui häste elama sunnip; kui häste elama ei sünni, sis om leping katski. -

Mõistetu: Et Hindrek Kiik wallawanemba een oma maa nink hoone peran surma Jaan Matzenile ära lubanu, rüki nink zea üle ei ole midagi tunistust.

Otsus. Jaan Matzen, kui Hindrek Kiik ütsite perija saap peran Hindrek Kiik nink selle naise surma popsi kottus mes nüüd Hindrek käen, oma naise jaos. Zea nink 2 wakka üle ei saa Jaan Matzen midagi.

Otsus ete loetu § 772 - 774 kuulutetu.

                                  Kohtuwanemb: P. Suig

                                    Kohtumees:    J. Keerd

                                            do             Jaan Tobrelutz

                                              Kirj. P Black