Wana Koiola kogokonna kohtun, Wissel, sel 12tal september 1883.

                                                                                                                   #

Kohtumees Peter Lauk kaibap, et kui tema Peri mehe warastetu hobese ülesostmise perast tema Mihkel Johanson poole lännu, ei ole edimast kõrd teda kotton löüdnu, ent toisel päiwal tema poole lännu, üttelden, et sina peat Perrile Johan Waglaots poole tulema sinno saapa jalgi mõõtma, sis om Mihkel Johanson kirwe kätte wõtnu sõimaten kohtumeest wasta üttelnu Peedo Peter wiisin mina ei lää enne kui Maakohus nink Ihander teda weewa, om tahtnu kirwega mano tulla, sis om Jaan Plakso teda keelnu, nink Ann Johanson  Ewert naine om luud kätte wõtnu ja sellega kohtumeest lüwwa ähwartanu. Sellepääle panep kaibaja tunistajas Mihkel Plakso, Jaan Plakso nink Perri wallast Peter Kroon.  

Jaan Plakso ütlep wälja, et tema om nännu kui Mihkel Johanson kirwega tahtnu kohtumehe Peter Lauk pääle minna, mes tema saanu ära keelda, nink An Johansonil om kah luud kaen olnu, nink ei ole saanu keelta, mes man Mihkel Johanson üttelnu, Peedo Peter mina wiija  ei keuta henda ei lase tulgo Maakohus nink Ihander sis mina lää.

Mihkel Plakso ütlep wälja, et Mihkel Johanson om taren saisnu, üttelden tulgu keutjid nii paljo kui tule, mina Peedo Petrel henda keuta ei lase, tulgo Wõrrolt Ihanderi ihu pääkohtumees sis lase henda keuta. 

Selle et Mihkel Johanson tunistaja wälja ütlemise perra kirwega ähwartanu, saap see asi Keisriliku Wõrro Maakohtu kätte antus, ütte kohtu mehe trotsmise nink ähwardamise perast. -

                                  Kohtuwanemb: Peter Sing  XXX

                                   Kohtumeees:   Jaan Tobrelutz  XXX

                                              do           Karl Sikkal

                                            Kirjotaja P. Black