Wana Koiola kogokonna kohtun, Wissel, sel 12tal september 1883.

                                                                                                       #

Kroonu metsaherra Leukfeld kaibap Kroonu mõtsawaht Jaan Ewerd üles andmise pääle, et Jaan Säädus om 2 pedajat Kroonu mõtsast ära warastanu, nink hoone ehitanu, kohe mõtsa waht jälgi mööda mano saanu. 

Jaan Säädus annap wastust, et tema om kül mõtsast mitto kõrd palke toonu, selle eest om mõtsa herrale ära masnu, warastanu ei ütle ollew. 

Tunistaja Andres Jaaska om tunistust andnu, et tema olla nännu kui Jaan Säädus olla Kroonu metsast nee puu wedanu.

Mõistetu: Et mõtsawahi üles andmine esi jo kui selge tunistus.

Otsus Jaan Säädus peap 7 rubl 38 kop Kroonu kassa hääs 14 päiwa sisen ära masma motsa herra Leukfeld kätte nink kwitung siija ette näutama.

Otsus ette loetu § 772 - 774 kuulutetu.

                               Kohtuwanemb: P. Sing

                                 Kohtumees.    Jaan Tobrelutz

                                          do            Karl Sikkal

                                           Kirj. P Black

Jaan Säädus kuulut suuremba kohtu käumist mes ka lubatus sai.