Ette aste Johann Wuks nink kaibas, et Reinhold Strandberg ollew temma naise mannu tükkinu, se om ollnu, sel sammal möda läinud suwwel. 

Johann Wuksi naine tulli ette ning tunnist, et se nida oige om; ühhel päiwal, kui temma mees mitte koddun ei olle, tulnu Reinhold Strandberg rehe kambre koa temma ellanu, nink kutsunu tedda rehhe allatse, ent temma tahtnu ukst kinni panna, ni ollew Reinhold Strandberg tedda rinnda pikki kinni wõtnu nink tedda wälja tõmmata, ent temma ollew hennast usse wasta toetanu, ja om siis Reinhold Strandbergi kübbara pääst ärra wõtnu, agga perrast Reinhold Strandbergi palwuse päle omma nemma henda wahhel ärra leppinuwa. 

Reinhold Strandberg tulli ette ning wastutas selle päle, se assi ollew nitade ollu: Ann Wuks tahtnu temma püksit mahha laske ent temma ollew hennast agga sellele wasta hoitnu, ning temma kübbar ollew päält maha saddanu ja Ann Wuks ollew jalgoga temma kübbara päle sõknu, ning olla se kübbar poriga sanu, ning temma ei olle ennamb sedda wõtnu, ja jäänu se sama Ann Wuksi kambre. 

Tijo Saron tulli ette ning tunnist, temma nännu niwõrra, et Reinhold Strandberg ja Ann Wuks mõllemba kambren hullunuwa, nink Reinhold Strandbergi kübbar saddanu pääst, ja Ann Wuks ollew selle kübbara päle jalgoga päle saisnu, nink Reinhold Strandberg ollew sedda kübbarat sinna kambre jätnu, ning mitte ennamb taggasi wõtnu. 

Otsus:

et se assi mitte awwalikus ei olle sanu om se Johann Wuksi kaibus wasta Reinhold Strandbergi tühjas arwato. 

Pä kohtomees Märt Lüüs XXX

Kohtomees Andrus Püwwi XXX

  "  Werdi Leinus XXX

  "  Jaan Treumuth XXX

  "  Juk Hansi  XXX