Johann Wuks tulli koggokonna kohto ette nink andis ülles, et Koolmeister Karl Strandberg sel mödalainu kewwajal omman tarren Tijo Saroniga Teewett jonuwa, ja perrast ollew Koolmeister Karl Strandberg Tijo Saroniga koolmeistre maggaus kambre lännuwa, ja nikauwa kui kella üttetoitstkümne sääl koon olluwa, nink temma Johann Wuks arwab, et Koolmeister K. Strandberg ja Tijo Saron ühhe halwa teggo päl wõinuwa olla. 

Tijo Saron tulli ette nink tunnist, temma ollew mitte Koolmeistrel Teewet tennu, enge omma wellepojale Mango Lindegreenile kes ühhel pühha päiwal temma pol kostman on käinu, ninig ommawa keik ühhes teewet jonuwa, agga et temma Tijo Saron kes ütlep hennast 54 aastat wanna, ei ollewat temma mitte Kolmeistre Karl Strandbergiga nisugguse teo päl olnu, ni kui Johann Wuks om kaibanu, enge om selge wõls juttu Johann Wuksi poolt tettu. 

Otsus:

Koggokonna kohhus on se Johann Wuksi kaibus, wasta Koolmeister Karl Strandbergi tühjas arwanu, ning on Karl Strandbergil õigus omma teotamist ja trotsmise perrast ülle Johann Wuksi kaibata. 

Pä kohtomees Märt Lüüs XXX

Kohtomees Andrus Püwwi XXX

  "  Werdi Leinus XXX

  "  Jaan Treumuth XXX

  "  Juk Hansi  XXX