Wana Koiola kogokonna kohtun, Wissel, sel 31tal octobril 1883

                                                                                                                 #

Joosu mehist kaibawa:

1. Jaan Sik kaibap, et temal om üts saina kel 9 rubl wäärt, 1 pud? wäärt 4 rubl 30 kopkat nink 1 suitse 3 rubl wäärt ära warastetu, om teeda saanu et tema kel om Jakob Höörson käen olnu - seda omma temale teeda andnu Mihkel Kiik, Jaan Jäger nink  Jaan Wissow.

Jakob Höörson annap wastust, et mina ole kül see tunistetu kella toonu, seda ole mina Waimelest Jaan Ots käest saanu. /Jaan Ots Peter p. om see kel Jakob Höörmannle andnu.

Kohtuwanemb Johan Keerd annap selle kella üle seletust: kui Jaan Sikk om omma kella Jakob Höörmann käest nõudnu, sis om tema ütelnu, et tema om see kel Johan Andreimann läbi Tarto parandada saatnu; kui tema Johan Andreimann kaest seda kella perast perra nõudnu, sis om Johan Andreimann üttelnu, et tema ei tiija sest kellast midagi, kui ta om warastanu, sis ta tugap seda ent perast seda om Jakob Höörmann üttelnu, et mitte Johan Andreimann labi ei ole mina seda kella Tarto saatnu, enge Johan Andreimann poisi läbi; nink Jakob Höörmann ema om üttelnu, et Joosu meeste kel om mõtsast ära warastet, kost muud ei olle perra jäämu, kui üts lawwa weer.

II. Joosu mees Karl Keerberg kaibap, et selsamal kõrral kui Jaan Sikk kellaga Jakob Höörmann kodo tulnu, om tema poolt ka kats lammast warastanu, tõine must tõine walge, mes ka eenseiswa nägija omma nännu.

Jakob Höörmann annap wastust et tema om kats lammast Peter Ots poolt Waimele wallast toonu; tõine om sööda lammas olnu, sar kel om ka selsamal korral temal pääl olnu; mes ütlep kotton alale ollew. 

Karl Kehrberg annap oma lambadest hinna 9 rubl pääle üles. -

Katre Kurwitz annap tunistust, et Jakob  Höörmann lammaste sisen nüüd wõõrit lambit ei ole, omma neesama lamba, mes suwel olli, kuna Höörmann tunistap, et nee toodu lamba weel kotton elawa, mes oige ei ole. -

Joosu mees Jürri Wellmann annap üles, et temal oma 29tal septembril wankri ära warastetu, mes ka Peter Lep omma üttelise ära warastetu, Peter Lep wankrit olla wallawanemb Jaan Maasik nännu. 

Jakob Höörmann annap wastust, et Herra Johani sulane om nee wankri tema poole toonu, nink ära weenu, mes röa poimu aigo olnu.

Johan Lutzar annap wastust, et üttel tee reisjal om wankri mutri ära kaonu olnu, ent Johan Andreimannil ei ole wankrit anda olnu, sis oma Hoormanni poole tulnu, nink säält Höörmanni wankri wõtnu, see mees om oma wankri sinna jatnu, sis perast jälle oma wankri ära weenu.

Johan Andreimann ei ütle sest wankrist midagi teetwat.

III.  Joosu mees Andres Kawer kaibap. et temal om 8 pestud lamba nahka wäärt 13 rubl. 1 wastne kask 8 rubl, 35 kuunart willast rõiwast 14 rubl, 1 suur rätt

4 rubl 20 kopka wäärt, seesama warras om ka tema kraami ära wotnu, kee Peter Lep ratta oli warastanu.

Jaan Maasik annap tunistust, et Jakob Höörmann om teda ahwartanu, nink soimanu walla wargas, kui kohtumees kuula lubas - sis om üttelnu mina taha teile kabla tuwwa.

Et wargus asi üle 10 rubl, saap see asi Keisriliku Wõrro Maakohtu katte saadetus.

                               Kohtuwanemb: J. Kurwitz

                                Kohtumees:

                                Kohtumees:

                                     Kirj. P Black