Nimmitedu walla wallitsusse pollest om nõwwos woetu, et sel pudulissel ajastajol paljo hädda innimestel üllespiddamisse polest om, sis omma nüüd selle now ollemissen hääs arwatu sellesamma walla Maggasi aidast 20 Tschetwerti Rükki nink Tschetwerdi hind 8 rbl 80 kop hõbbedat. Ent selle mümisse man peap wallawallitsus tähhele pandma, et se willi muile ei pea sama müdus, kui ütsinda neile, kelle ainult ja häddaste tarwis lääp omman wallan. Sedda wilja rahha ei woi mitte kohhegi ärra prukida, enge peap allale hoijetus sama ja wallawallitsus selle eest wastutama, et tema sädusse perralisse entressi päle ärra saap säetus. Kui perrast willi odawas peasse minnema, et sis jälle assemele saaja osta.

Walla wannemb  A. Ritzar [allkiri]

Wöörmontre 1. Hans Saks XXX

  2. Michel Torrop XXX

Sest wiljast om täämba ärra müdu 16 1/2 Tschwetwerti. Rahha om sanu 145 Rubla 20 kop (üts sadda nellikümend wiis Rubla katskümmend koppikat hõbbedat.

13 Märtsil 1 wak antu 3 Rbl 30 kop.

Sel täämbatsel päiwal om Ado Ritzar selle müdu wilja rahha 18 Tschetwerdi ja 6we Zetwerko eest, mes temma om wasta wõtnu, siin koggokonna kohto man walja masnu 165 (üts sadda kuuskümmend wiis) Rubla