Täämpatsel päiwal om se lepping tettu ja läbbi könneldu ni kui siin al saisap.

I.

Walla wannemb nink nöumehhe omma pumeistre Willem Härmanniga lepnu Koggokonna kohto maja teggemist.

2.

Willem Herman wöttap selle kohto maja tetta, selle surusse ja arwo perra mes siin leppingon saap nimmitedus:

3.

a. Se maja saap eggast sainast 4 süld, sissest arwata.

b. 2 wahhe saina ülle maja, 3 risti wahhe saina.

c. 4 suurt aknat 36 tolli korge nink 26 tolli laija, nee peawa doppeld ollema, 3 wäikest aknat.

d. 6 ust peawa illosast üttekorralisse ollema ent 1 us mes wörussest tarre käüp olgo katte kõrralinne.

e. Wörus olgo ette tettu 5 jalga laij ja 6 jalga pik.

f. Kiik Matterial saap walla poolt walmis wetus, ja pörmandode täitmisses walla abbi antus.

g. Kattusse kattap wald. Akna lugi kruwwidega ette käüwad teep meistre.

4.

Muido peap Meistre kiik täwweste walmis teggema. Lawwa löikama; klasi, rawwa to uste ja aknette man, 2 lukku mes raud kasti seen; lengiga ja wötmega kattelt pool käända om. Töisile ustele kos lukku tarwis om krambi ja asa külge.

Kiik mes eale peasse kulluma ülle selle, olgo ka perrametse raud naglani, sedda pannep meistre; muud kui lubbi ja telliskiwwi ostap wald.

5.

tö saap kiik ette säetu plani perra tettus, nida kui siin koon ollemissen om läbbi könneldu, ilma et keik tükki siin kontrahtin täwweste sawa nimmitedus.

6.

Meistre saap ülle kige selle tö eest 120 (üts sadda katskümmend) Rubla hobbedat. Pool rahha saap töteggemisse aigo kätte, poolt ei sa enne kui tö walmis om ja wasta woetu. Maggasist lainatas meistrele töteggemisse aigo 8 wakka rükki, nida, et süggise peap taggasi masma, ent ilma otusseta.

Sedda leppengut kinnitawa omma käiga:

walla wannemb A. Ritzar [allkiri]

1. Woormondre Hans Saks XXX

2     "    Michel Torrop XXX

Noumehhe 1. Wilhelm Kehrberg XXX

2.Adam Armolik XXX

3. Gustaw Sörmus XXX

4. Adam Tisler XXX

5.Jürri Saks XXX

Kohtomees Jürrij Pollak XXX

Pumeistre Willem Hermann XXX

JKehrberg kirjotaja[allkiri]