Wana Koiola kogokonna kohtun, wissel, sel 7tal nowembril 1883.

Wahtse Kuukse mees Jürri Roiland kaibap, et Jaan Soorwa om tema  mano üttes aastas teenma lepnu 35 rubl raha eest nink 1 kulimit lina maha kulwa nink wak kartohwli  maha panda. - oma teenmast ära  lännu, nõwwap 35 rubl kahjo tasomist. 

Jaan Saarwa annap wastust, et peremees Jürri Roiland om teda teenistusest ära ajanu. -

Kaibaja panep tunistajas Kedijärwest Juri Koltberg kee wälja ütles, et Jüri Roiland om Jaan Sarwa henele sulases kaubelnu 35 rubl eest - ja omma sellepääle liiga joonu, ja Jaan Saarwa om üts aig Jürri Roiland man teenistusen olnu, nink säält ära lännu. -

Jürri Roiland annap seletust, et Jaan Saarwa om 4 kuud teeninu, nink 20 rubl palka linadega katte saanu kui ta ära lännu. -

Jaan Saarwa panep tunistaja Jaan Palzer Wahtse Kuukse wallast . - jääp poolele.