Wana Koiola kogokonna kohtun Wissel, sel 24 nowembr 1883.

                                                                                                  #

Saije ette wõetus mes se 7tal nowembr s a N 228 poolele jäi.

Kaibajast pantu tunistaja Mari Lutzar utles wälja, et Jakob Pallo nink Johan Lutzar lepping om olnu, et kartohwli pidiwa pooles saama püülise nink ulosse nink kats koormat kartohwlit om Johan Lutzar seemens weenu.    

1.Johan Lutzar tunistaja Mihkel Loks utles wälja et katte hobesesga om kats woori Johan Lutzar neid kartohwlit seeme eest weeu kodo wahtse kartohwli saagist, üttel koormal om 6 wakka pääl olnu. -

2. Peter Kranziweer annap tunistust et Johan Lutzar om 15 waka wahtsit kartohwlit seemne eest kodo weenu. -

3. Peter Holwason ütles wälja, et tema ei tiija sest asjust midagi.

Jaan Joosep poig Kade annap tuistust, et Johan Lutzar om 7 koormat kartohwlit Jakob Palo maa päält weenu, ei tiija üttelda paljo om olnu.

Mõistetu: Et ennegi selle üle tunistus et Johan Lutzar 21 wak tagasi saanu, mes tema seeme olli  - kost nätta et mes perra seemnist jäänu pooles wõetu.

Otsus: Jakob Pallo ei sa Johan Lutzar käest midagi.

Kohtukäüjile otsus ette loetu § 772 - 774 kuulutetu.

                                       Kohtuwanemb: J. Keerd  XXX

                                         Kohtumees:     Karl Tobrelutz  XXX

                                                do               Joh. Kurwitz  XXX

                                                 Kirj. P Black

Jakob Pallo kuulut suuremba kohtu käumist mes ka lubatus sai.