Wana Koiola kogokonna kohtun, Wissel, sel 24tal nowembril 1883.

                                                                                                             #

Himmaste koomeistre Peter Hurt kaibap, et Ado Hurt nink Hoosep Hurt oma Hurda weskist kolmas jago kui wannembide perandust tema kaest ära riisnu, nõwwap kolmas jago aigo sest weskist henele pruuki. 

Ado nink Joosep Hurt andwa wastust, et nema omma see weski maa Kõrge Kroonu käest perises ära ostnu, selleperast ei lupa weskist jago. 

Lepping Ado Josep nink Peter Hurt wahel 19 märzil 1862 aastal näutap kon Ado nink Joosep Hurt kolmas jago Peter Hurtle, ja tema sugule Hurda weskist oma nink ristialkirjaga lubanu. 

Mõistetu: Lepping pohjuses wõtta.

Otsus: Ado Hurt nink Joosep Hurt peawa täämbatsest päiwast Peter Hurt´le Hurda weski pruukmine kolmanda jao aja pääle kätte andma, see om et egaüts üts nättal selle weskiga jarestiko jahwatap. -

Otsus ette loetu § 772 - 774 kuulutetu.

                                      Kohtuwanemba eest P Lauk  XXX

                                                        Johan Kurwitz       XXX

                                                       Jaan Tobrelutz       XXX

                                                       Kirj P Black

Ado Hurt nink Joosep Hurt kuulutiwa suuremba kohtu käumist mes ka lubatus sai.