Wallawannemb Johann Zimmer tulli ette nink andis omma kaibust sisse. Koliwallitsusse poolt om Kihhelkonna Kohtun kaibust Wanna Anzla wallawallitsusse ülle, selle ülle kaibust sisse antu, et Lusti kolimaja ollew kaks kuut ilma kütmata olnu, selle et kütti puid ei ollew olnu, nink Kihhelkonna kohus ollew temmale wallawannembale 10 Rbl. trahwi päle pannu; kunnas agga se kaibus mis koliwallitsussele on temma ülle tõstetu, olles puhas wõls; selle, kui ka sel kõrral mitte Lusti kolimaja man puid es olle, sis olli se käsk ja lubba, pudust parrandata, puid Wanna Anzla koggokonna maja mant eggal kolimajal sata.
Juk Hansi kohtumees ja koliwannemb tulli ette nink tunnist, et Lusti kolimaja man kunnagi puije pudus ei olle olnu, nink weel tännatseni päiwani ollew sääl wannu puid een.
Märt Lust, (Lusti koolmeister) tulli ette nink tunnist, et temma tedwad ei olle temma Lusti kool mitte puijest ni pudulik olnu, et külma piddanu kantama, ent üts päiw on kolitarre külmemb olnu, agga temma om jälle selle eest holitsenu, ja ei olle mitte selle ülle kellegile kaibanu.
Peter Hinn, wöörmünder, tulli ette nink tunnist, et Lusti kolimaja tarbis ollew tol kõrral lubba olnu 1/2 sülda puid kohtumaja mant sata.
Samul Zimmer tulli ette nink tunnist, temma sanu kulda et perisherra 2 süld puid kolitarre tarbis kinginu, nink selle ülle tähhe andnu, nink temma Samul Zimmer lännu siis päle selle perrisherra pole nink üttelnu ja kõnnelenu perrisherrale, et perrisherra ollewad Lusti kolimaja tarbis hädda parrandata 2 süld puid kinginu, ent ne puu ei olle wel kolimaja mannu weetu, selle päle ollew perrisherra hennast pahhandanu, ja üttelnu, et täht on jubba ? näddalat koliwannemb kätte andnu (täht ollu 13. Decembril wälja antu), ja lubbanu siis wallawannembat kihhelkonna kohtu läbbi trahwitada laske, enge ütte kaibust ei olle temma ülle wallawallitsusse tõustnu.
Otsus:
Lusti koolmeistre ja koliwannemba wälja ütlemise perra, et Lusti Kolimaja mitte ilma puijeda ja külm ei olle olnu, on se Samul Zimmer koliwallitsusse ette, ettewedu kaibus mitte õige olnu.
Päkohtumees Märt Lüüs XXX
Kohtumees Jaan Treumuth XXX
" Andrus Püwwi XXX
" Werdi Leinus XXX
Wallawannemb Johann Zimmer tulli ette nink andis omma kaibust sisse. Koliwallitsusse poolt om Kihhelkonna Kohtun kaibust Wanna Anzla wallawallitsusse ülle, selle ülle kaibust sisse antu, et Lusti kolimaja ollew kaks kuut ilma kütmata olnu, selle et kütti puid ei ollew olnu, nink Kihhelkonna kohus ollew temmale wallawannembale 10 Rbl. trahwi päle pannu; kunnas agga se kaibus mis koliwallitsussele on temma ülle tõstetu, olles puhas wõls; selle, kui ka sel kõrral mitte Lusti kolimaja man puid es olle, sis olli se käsk ja lubba, pudust parrandata, puid Wanna Anzla koggokonna maja mant eggal kolimajal sata.
Juk Hansi kohtumees ja koliwannemb tulli ette nink tunnist, et Lusti kolimaja man kunnagi puije pudus ei olle olnu, nink weel tännatseni päiwani ollew sääl wannu puid een.
Märt Lust, (Lusti koolmeister) tulli ette nink tunnist, et temma tedwad ei olle temma Lusti kool mitte puijest ni pudulik olnu, et külma piddanu kantama, ent üts päiw on kolitarre külmemb olnu, agga temma om jälle selle eest holitsenu, ja ei olle mitte selle ülle kellegile kaibanu.
Peter Hinn, wöörmünder, tulli ette nink tunnist, et Lusti kolimaja tarbis ollew tol kõrral lubba olnu 1/2 sülda puid kohtumaja mant sata.
Samul Zimmer tulli ette nink tunnist, temma sanu kulda et perisherra 2 süld puid kolitarre tarbis kinginu, nink selle ülle tähhe andnu, nink temma Samul Zimmer lännu siis päle selle perrisherra pole nink üttelnu ja kõnnelenu perrisherrale, et perrisherra ollewad Lusti kolimaja tarbis hädda parrandata 2 süld puid kinginu, ent ne puu ei olle wel kolimaja mannu weetu, selle päle ollew perrisherra hennast pahhandanu, ja üttelnu, et täht on jubba ? näddalat koliwannemb kätte andnu (täht ollu 13. Decembril wälja antu), ja lubbanu siis wallawannembat kihhelkonna kohtu läbbi trahwitada laske, enge ütte kaibust ei olle temma ülle wallawallitsusse tõustnu.
Otsus:
Lusti koolmeistre ja koliwannemba wälja ütlemise perra, et Lusti Kolimaja mitte ilma puijeda ja külm ei olle olnu, on se Samul Zimmer koliwallitsusse ette, ettewedu kaibus mitte õige olnu.
Päkohtumees Märt Lüüs XXX
Kohtumees Jaan Treumuth XXX
" Andrus Püwwi XXX
" Werdi Leinus XXX
