Moisa mõtsasaks Fankhaenel andis siin ülles, temma sanu kuulda, et Anzmoisa mõtsast 3 mõtskitze ilma lubbata tappetu om, nink Waltina kaupmees P. Kühl neid ostnu. 

Tunnistaja Jaan Tedder ütles: "minna nülgse ütte mõtskitze kaupmehe Kühli man."

Kaupmees P. Kühl tulli ette nink ütles: "selle kitze saije minna Karl Kottilõime käest."

Karl Kottilõim, lut. usko, tulli ette ja üttel: "minna ja Kõdre Jakob Hermlin ja Johan Pill, tapsi kolmekeisi ütten aastan ütte kitze Karrola piiri päl Kallite järwe weren Habsale pole pääl, ja tõisel aastal tapsi tõise kitze Mähkli Keremi piirin Karrola jaon; eddimätse kitze sõime essi ärra ja selle tõise mõisi minna ütsinta Waltina kaupmehe Kühlile 3 Rbl. eest ärra."

Jakob Hermlin (lutteri usko) tulli ette nink tunnist, se om õige, et se eddimätse kitze Karl Kottilõim ja Johan Pill tapsewa, ilma et minna man ollin ja selle tõise kitze laskse minna talwiste pühha eddimätse pühhal Habsale mõtsasaksa nurme all Anzmõisa piri pääl.

Johann Pill (wenne usko) tulli ette nink tunnist, et se eddimenne kitz sai mahha lastus säratsel kombel, ni kui ka Kottilõim selletas, et Karrolamoisa piirin lastu, ja selle tõise kitze laskse Jakob Hermlin Anzmoisa piiri päl Mõtsasaksa nurme all. 

Wiimate tulli Karl Kottilõim ette ja jäi selleman kindmas, et mõllemba kitze Karrola piiri päält tappetu sanu ja sellest kitzest mis moisa piiri pääl lastu, ei tija temma middagi. 

Otsus: Se assi jäi nullimise päle. 

Päkohtomees Märt Lüüs XXX

Kohtomees Juk Hansi XXX

  "  Andrus Püwwi XXX

Abbikohtomees Johann Koemõtz XXX