Peter Tee tunnistas: "Minna sai Jürri Mändike käest üts paar wenne sapit, kumma minna Ado Joakitele ärra wahhetasin. Se om wõls, et minna leppingut tahtnu tetta, ei ka et minna ütte rublat olles massa lubbanu. 

Jürri Mändik kostis: "Se ei olle mitte õige, et minna neid sapit Peter Teele olles andnu, se om wõls. Minna lubbasi selleperrast üts rubla Jaan Talkole massa, et minnul kohut käuwa es olles, ni et Jaan Talk rahhule jääs. Peter Tee lubbas ka Jaan Talkole ütte rubla massa. 

Otsus:

Jürri Mändik peab Jaan Talkole 2 rubla saapaste päle ja 2 rubla trahwi 2 näddala aja sissen masma. 

Päkohtumees Märt Lüüs XXX

Kohtumees Jaan Treumuth XXX

  "  Juk Hansi XXX

  "  Karl Raam XXX