Kaibas Hans Möldre, temma andnu Hans Kuiwa kätte ütte hawwemõrra hoita mis nüüd 2 aastat taggasi saab, nink Hans Kuiw pandnu sedda omma aita; ent päle se ollew se mõrd Hans Kuiwa aidast ärra kaddunu nink temma Hans Möldre nõuwab Hans Kuiwa käest selle morra eest 2 rubla. 

Hans Kuiw tulli ette nink wastutas se ollew kül ni õige, ent minnewa talwel ollew se mõrd ilma temma teedmata Jaan Jaiku läbbi Sangastele widu. 

Jaan Jaik tulli ette nink tunnist, et temma kül sedda mõrda säält aidast Sangastele winu; temma ollew arwanu, et se mõrd Hans Kuiwa omma om.

Otsus: Leppitu Jaan Jaik massap Hans Möldrele 1 rub. ja tallitab sedda mõrda nisama Hans Möldrele taggasi. 

Päkohtomees Hiskias Tamberg XXX

Kohtomees Jaan Treumuth XXX 

Kohtomees Andrus Püwwi XXX

Abbi Johann Koemõtz XXX

Se 1 rub. om mastu.