Sahker Post kaibas, temma wellel Johann Postil om ühhel päiwal üks pund linnu kaonu, nink päle selle ollew üks pund Sahkre Posti sullase lauda päält lõutu, nink temma naise emma Katri Prantz ollew se punna linno lõudnu, nink arwab temma Sahker Post, et temma sullane Karl Latzarus sedda punda linno warrastanu. 

Karl Latzarus tulli ette nink wastutas, temma poolt ei olle ne lõutu linna mitte sinna pantu, enge ehk on Sahker Post temmale kiustu perrast sedda tükki tennu, nink neid linno sinna paotnu. 

Katri Prantz, Karl Latsaruse naise emma tulli ette nink üttel, üks latz lännu wälja nink tonu neid sõnnumet, et lauda ossa kõlb ollew lahhotu, nink temma Katri Prantz lännu lauda päle nink olnu linna luijest linna punna otsa nätta, nink temma tõmbanu sedda säält wälja, ja lännu tarre ja üttelnu Sahker Postile, et mõnni om temmale sedda koeruse perrast tetta tahtnu, ent kegi ei tija kes ne linna sinna pandnu. 

Otsus: Kunnas Johann Post omma kaonu linna punna ilm otsimata kätte sanu, nink Sahker Post ja Karl Latsarus henda kessi ütstoist trotznu, nink henda wahhel mitte es leppi, siis massawa kumbgi 1 rubla trahwi waesteladiko hääs, nink 3 näddala sissen peab se rahha mastu ollema. 

Suremba kohto käimise sätuse sai kohtokäijatele ette selletetud. 

Päkohtumees Hiskias Tamberg XXX

Kohtumees Jaan Treumuth XXX

   "  Juk Hansi XXX

"  Andrus Püwwi XXX  

abbi  "  Joh. Koemõtz XXX