Mihkel Haidak kaibap Jacob Pallo päle et tema,mino haina kuhja mes kottost 5 wersta kaugel ärä olli ärä om kisknu mes ma takan otsmisse nink jälgi pera Jakob Pallo rehepäält kätte saijeme kelle päle Jaan Haidak nink Peter Haidak ja nõuwa haina kahjo 5 rubla.

Jaan Haidak kes ette ei olle saanu tulla om oma Päkohto mehe Peter Singale üttelnu, et Jakob Pallo saitse kül sel ööl kui ne haina warasteti seda teed tuhjalt oma hobbesega.

Jakob Pallo ütles et tema neid haino ei olle warrastanu ei ka sel ööl kos ka käünu wöörmunder Peter Haidak ütles et minna olli sel paiwal sõitu pääl ja saije selle kuhjast teedmist et ärä om kistud ja kodo soitmisse man naksi ma kuhja mant jalgi pitte perra soitma koni Jacob Pallo poole, kos ne haina tare päält saiwa löitus. -

Pa kohto mees Peter Sing kes neid haino ülle om kaenu ütles et ne haina wäega neide warastetu kuhja hainoga ütte sundiwa.

Moistetud  Et tunnistajade walla ütlemisse päle et jalle Jacob Pallo pole oma tulnu nink et ne haina mes tema poolt kätte saadi wäega neide kuhja hainoga kokko sundiwa. 

Otsus  Massap Jacob Pallo 3 rbl Mihkel Haidakule kahjo tasomist, katte nädali sissen walja.

 Tempel 

Se moistmine § 773 ia 774 pera kuulutetu.

Jacob Pallo kaibust edessi pallenu wija.