N 5 Prottokolli edesminek Andres Peetso antse selletust. Mina olli oma kadonu welle Petrega kes 62 aasta  wana olli kui ta kooli nink mina jälle 59 aastat wan(n)a latsest saadiko ütten ni et meil ka omast kadonu essast pera jäänu warantus jagamatta olli. Kui minno welli Peter essi joo ni kohas jäije et ta essi maija es woi wallita antse tema perremehe õigusse jäädwa raudwaraga minnole ärä mes meil kogokona leppingo ramatuhe sisse kirjotime 1878 aastal N 9 al 24 april nink toise pool jätse kadonu welli weel hendale seni kui ta koolep ja perrast surma ka se minnole nink minno pojale peab saama.

Tema tüttar Marri kes nuud Johan Kriwa naine om om jo 14 aastat tagasi kui ta majast ärä latse nink ka oma ossa jago jo ärä saije. 

Nisama ütles ka kadonu welli Peter oma surma waate pääl et mino tüttar majast middake ei woi nõuda kelle päle kottusse kerriko oppetaja Schwarz woib tunnistust anda. -

Kui minno welli Peter minnole mitte maija es olles lubbanu mes meil kül üttine olli es olles mina teda mitte elloega ilma palgata teene nida kui kik ne ümbre ollewa nabri seda selgeste teedwa et ma mitto aastat selle maja eest moisa rehe mehen olle teenu ja kik muud kohuset selle maja eest täüdnu. -

Nisamma ei olle ka se kohto meestest ülles kirjotetu kraama perran tema surma mitte tema kraama olnu enge minno kraam.

Kadonu Peter Petso wanna lask kes nüüd 73 aastat wanna ja täämba ette ei olle sanu. Kohto meeste wälja ütlemisse perra ka Andres Peetso ülles pidamissega rahu ollewat. 

Johan Kriwa käest saije küssitus kas ne leppingo mes leppingon sisse om kirjotetu ja oppetaja tunnistussest midake tijat ehk om se wasta midake konnele-

mist. -

Johan Kriwa ütles ka sest teedwat ja ütles ka õige ollewat. 

Se lepping saije juhatusse pera ülles otsetu ja kaup nida.

                                                           N 9

Wana Koiola kohto maian sel 24 april 1876

Peter Peetso lubbap oma welle Andres Peetsole omast majast koigest poole kige raud waraga, ni kawwa kui Peter ellap peab weel tema poole maja kige kraamiga henda käen. Kui wimate Peter ara koolep sis lubbap tema kik se maja õigus Andres Peetsole ehk tema pojale.

                                                                             / al kirri/

Oppetaja Herra tunnistus käüb nida 

Sellega tunnista mina et Peter Peetso Miasten ene oma surma mino kuulden omale tütrel Marile Kriwele üttel et tema temale maad kül ei lubba ent muido hääd sugu lubbas weel temale tetta, mes se hää olli seda ma ei.

Moistetud Ni kui neid welleste om(m)a lepping nink ka oppetaia tunnistus näudap et kadonu Peter Peetso jo ütskord oma maja welle Andressele ärä om andnu

Otsus Perrip ka Andres Peetso oma welle Petrega seni ajani ütten peetud akti N 97 maja edesi om(m)ale mes wimate Bleti Domande Kohto paletus saap ka se nimi selle akti pääl umbre wahetada.

Warrantusse saamisse perast woib Johan Kriwa wahtsest kaiwata mes enne weel ei sa selletetus kui Proklam Tallo raha kuulutussen saap teda antus et walla noudia ja walla masja sawa ülles kutsutut 6 kuu aja sissen.

Se moistmine § 773 ia 774 pera kuulutetu.

Tempel

Johan Kriwa pallep surembat kohut.

erra kiri 16 januar.