Selsamal paiwal 21 januar 1885

Kadonu Mihkel Sing läsk Liis Sing nüüd Pallo tulli oma mehe Jakob Palloga ette ja nuwap om(m)a 3 jago maad mes nüüd Jaan Lutsari käen prugi om henda katte tagasi mes üts kõrd minno mees wai minno wöörmunder ärä om(m)a andnu ilma minno lubbata. -

Jaan Lutsar ütles ega mina seda maad teedmatta ei olle sanu seda olle minna nida kui ne leppingo ala kirjotaja tunnistaja neide andmisse päle sanu ja olle selle ma päle oma kulluga ehitanu ja ka emmale kelle Jakob Pallo mona piddi ollema toidu antnu. Tahap Liis Sing nüüd seda maad tagasi sis nõuwa ma ka kik om(m)a 7 aasta mona ja maja ehitamise kulu kätte saada. -

Wöörmünder neid laste eest Peter Sing antse selletust et tem(m)a se 3 jago maad Jacob Pallo nink Liis Pallo palwe päle Jaan Lutsarile prugi om lubbanu ema moona eest ni kawa kui kadonu Mihkel Sing poig Samo kes nuud 8 aastat wana saap täüs ealisses ja sis woib se perris perria Samuel Sing Jaan Lutsari käest ära wõtta. -

Moistetud. Nida kui neide oma lepping mes sel 27 martz 1878 N 6 al nink wöörmünder selletusse päle et se ka sundsa om.

Otsus  Jaap se 3 jago maad iks Jaan Lutsari perrida ni kawa kui perris peria Samuel Sing täüs ealises saab. -

Tempel        Se moistmine § 773 ia 774 perra kuulutetu.

                       Erra kirri 26 januar