Selsamal paiwal 11 webruar 1885 

Mihkel Ostra kaibap et Walgesoo weski omaniko Jaan Otten karri temma poolt mes saal liggital om ärrä om purustanu 1/6 waka ma Latsa 1 mõtu alla nissu 1/3 wak ma hernet ja nõuwap oma kahjo 23 rubla.

Jaan Otten ütles mina ei tija sest midake seda saap minno karjus teedma ei olle minno ka keddake seda karja ülle kaema kutsnu. Mihkel Ostra om kül tem(m)ale monne aja eest kõnnelnu et minno karri tema willi ärrä om soonu, mes ma ka kaemage es lä selle et sis ennamb wist jälgi tunda ei saa ollema. -

Tunnistaja Jakob Jaht utles et ma joht essi nänu ei olle ent Otteni karjus essi om temale sedda konnelnu et tema ellaja oma kül se kurja tennu. -

Kohto mees Johan Keerd antse selletust  et minna kül se põld ülle kaije ja näije ka et ta koggoni rikkutud olli ent sedda ma ei woi teeda kes ta söödnu olliwa, et ne wilja ka enne söödmist kohna oma olnu arwsi ma se kahjo 3 rbl olnu ollewat.

Moistetu  et kahjo kül tettu olli ent midake tunnist ei olle kes se kahjo tennu om mes enege karja laste juttu perra et Otteni karri wist seda kurja om tenu. -

Otsus. puuduliku tunnistusse perast Mihkel kaibus kuulmata jänu. -

Tempel

Ääremäekus: eera kiri 14 webr.