Kaibas mõtsawaht Jaan Pajo, nink kaibas, Karl Kaska ollew sel 23. Nowembril m.a. puuwarguse perrast trahwitut sanu, ent selle päle ollew Karl Kaska, temma au ja ammetid teotanu ja trotsnu, nita et temma Jaan Pajo ollew temma Karl Kaska käest 3 rubla rahha wasta wõtnu, ja lubba andnu mõtsa minna, puid wargile, - nink pallub et Karl Kaska sedda asja tõttes tegge. 

Karl Kaska sai ette kutsutus, nink tunnist, et temma wõls tunnistust ülle mõtsawahhi Jaan Pajo om tõstnu, nink pallob mõtsawahhi Jaan Pajo selle ülle andis. 

Otsus:

Kunnas Karl Kaska nüüd essi omma suga siin Koggokonna Kohtu een tunnistanu, et se mitte õige ei olle, et temma mõtsawaht Jaan Pajole 3 rubla andnu, siis peab Karl Kaska selle wõls juttu perrast 3 Rbl. trahwi waeste ladiko hääs 2 näddala perrast, wälja masma. 

Päle otsuse ette kulutamist tunnist mõtsawaht selle otsusega mitte rahhul, selle et se trahw Karl Kaskale weidi om, nink pallel Protokolli wälja. Siis sai §773 ja 774 ette selletetud ja Jaan Pajole appellation sel 14. Aprilil s.a. wälja antu. 

Koggokonna Kohtu otsus om kindmas jäänu. 

Pääkohtomees Hiskias Tamberg XXX

Kohtomees Jaan Treumuth XXX

  "  Juk Hansi XXX

  "  Andrus Püwwi XXX