Karl Latsarus kaibas, temma ollew minnewa süggisel omma welle Jaan Latsarusele 40 Rbl. laenosa andnu, nita et paari näddäla perrast olles piddanu taggasi sama, ent sest summast ollew temma welle Jaani käest kigist 2 Rb. 30 kop. kätte sanu, nita et temmal weel 37 Rb. 70 kop. Jaan Latsaruse käest nõuda om. 

Jaan Latsarus tulli ette nink wastutas selle päle, temma ollew kül 40 Rbl. sanu, enge se samma rahha olli neil nita leppitu, et temma Jaan Latsarus wõttab omma emma hopis henda külge üllespiddata, nink hoolt kanda, siis ei olle welle Karl Latsarusel ennamb middagi sest rahhast nõuda, sest welli Karl ei olle ennamb emma omma man piddata tahtnu. 

Karl Latsarus wastutas selle päle, temma ei olle mitte selle asjale se 40 Rb. andnu, enge temma welli ollew ommi pulma piddata sedda rahha temma käest pallelnu, nink temma Karl Latsarus om emma enne sedda 7 aastat omma külgen üllespiddnau, ent nüüd tahhawa nemma welle omma emmale sinna abbi mannu anda, kelle man nende emma om säetu jäma. 

Otsus: Jaan Latsarus peab se rahha 37 Rb. 70 kop. Karl Latsarusele taggasi maksma, nink tõiselt peab egga üks welli omma emma üllespiddamisest 7 Rbl. ajastajas abbis andma; se om: Kusta, Karl ja Jaan Latsarus. 

Se rahha peab Jaan Latsarus omma welle Karlile 2 näddala perrast ärra masma. 

Pääkohtomees Hiskias Tamberg XXX

Kohtomees Jaan Treumuth XXX

  "  Juk Hansi 

abbi  "  Joh. Koemõtz XXX