Kohtu ette tulli Partzi vallamees Peter Kok ja kaiwas et temma omma heina ma, Raudpalu päle niitmise äddalas om pandnu agga Reo möldre om omma karjaga sedda ärra söötnu kui ka Wido ja Joosep Iwaski karri. Reo möldre lehm gi ollewad päle ärra lõpnu.

Reo mölder Karel Wijand ütles wälja: Minno karri ei olle senna päle sanu. Se lehm sai jõeweerde widus, tedda sääl hördi ja lõppi ärra.

Josep Siliwask ütles wälja: Minno karri om kül ütskõrd käünu, agga mitte minno karjusse , waid Wido Siliwask karjusse aiga.

Wido Siliwask ütles wälja. Minno karri sena ei olle minno teadmissega sanu.

Peter Kok ütles wälja, et temma omma walla kohtumehega Jaan Korrinter sääl nidu pälel olnu om ja siis kohtumees Ado Suhha üttelnu, et Reo möldre karri om olnu.

Ado Suhha es ütle sedda tunnistust õige olewad.

Reo möldre karjus Liis Lillo ütles wälja, et temma karjaga sääl Raudpera nidu pääl kunnagi käunu ei olle

Mõistet:

Jaan Korrinter ja Peter Wisse peawa tullewa kohtu päiwas Partsi wallast siin tunnistajas ollema