Ann Jonas (lut us) tulli ette nink tunnist, temma ei olle mitte nännu, et Jaan Leinus Marja Jauka man manmagganu ent niwõrra tijab temma üttelda, et Marja Jauk ollew ühhel päiwal temmale awaldanu, et temma ennamb terwe ei olle, se ollu minnewal aastal üks näddal enne röa põimo olnu. 

Selle päle ollew temma Marja Jauki käest nõudnu, kes se pois ehk innimenne om, kellega temma essinu siis ollew Marja Jauk üttelnu, et Jaan Leinusega. 

Jaan Pusepp (lut. usko) tulli ette nink tunnist et se mitte õige ei olle ni kui Jaan Leinus üllesandnu, et temma olli Marja Jauki man manmagganu, ent minnewal aastal sure neljapäiwa õddangul lännu temma Jaan Leinusega Marja Jauki pole õddangul, astnu enne sinna hone sisse kus Marja Jauk ollnu, tulnu jälle warsti wälja nink Jaan Leinus jäänu sinna ja temma lännu säält ärra. 

Otsus: Koggokonna kohus arwas Jaan Leinus südlases, nink peab Jaan Leinus 50 Rbl. Marja Jauki latsekaswatamises masma, se om aastal 5 Rb. nink 10 aastan se summa tassutu om. 

Päle otsuse ette kulutamist tunnist Jaan Leinus sellega mitte rahhul sis sai suremba kohto kaimis säduse ette selletetud, nink Appellation sel 17. mail c. Jaan Leinusele wälja antu. 

Päkohtomees Hiskias Tamberg XXX

Kohtomees Jaan Treumuth XXX

 "  Juk Hansi XXX

  "  Andrus Püwwi XXX