Jakob Kulpin kaibas, temma ollew minnewa kewwaja Maddis Liberti mannu pole mapiddajas lönu, nink arrinu siis sedda maad ja külwnu omma täwweline seme selle terwe majaggo nita et siis Maddis Libert temmale süggisel selle pole ma külwetust semnest taggasi massap; ning Maddis Libert masnu ossast taggasi ja jäänu 2/3 wakka keswi temmale wõlgo, nink tõisest nõuwab temma selle rohkemb arrito ma eest, middas Maddis Libert omma semnega külwnu; sedda maad mis temma rohkemb om arrinu ollew 7 wakka tõumaat ja 4 wakka alla röamat. 

Maddis Libert tulli ette nink wastutas, temma ollew Jakob Kulpinit 1/3 ossa mapiddajas wõtnu, nink Jakob Kulpin ollew omma jaggo ja temma Maddis Libert omma jaggo nink semne middas temma Kulpini käest sanu ollew temma ärra masnu, nink Jakob Kulpin jänu temmale 13 Rb. ja 60 cop. renti wõlgo, ning sel aastal kewajal lännu Jakob Kulpin ärra, siis ollew temma selle eest 2 Kulpini zigga pandistanu; nüüd agga ollew J. Kulpin 7 Rb. ärra masnu ja 6 Rb. weel masmata.  

Otsus: No 103 Protokolli tunnistajate tunnistuste päle, ei olle Jakob Kulpinil middagi Maddis Liberti käest nouda, ent ne kaks zigga jäwa senis pantis kunni Jakob Kulpin se 6 Rb. renti rahha Maddis Libertile om ärra masnu. 

Päle otsuse ette kulutamist tunnist Jakob Kulpin sellega mitte rahhul, sis sai § 773 ja 774 ette selletetud, nink sel 31. mail s.a oppusleht Jakob Kulpinile wälja antu. 

Päkohtomees Hiskias Tamberg

Kohtomees Jaan Treumuth

 "  Juk Hansi

  "  Andrus Püwwi