Kaibas Karl Kender, temma perremees Peter Laas ollew tedda kesk aastat tenistusest prriis lasknu, selle et temmal ollew ihho pääl paisit olnu, nink ei olle mitte wõinu küttise haggo raggota ni kui perremees käsknu. 

Peter Laas sai ette kutsutus nink kostis selle kaibuse päle, temma ollew Karl Kenderi selle tenistusest priis lasknu, et Karl Kender ei ollew mitte neid maja tööt tennu ehk mitte tahtnu middas temma Peter Laas, temmale Kenderile juhhatanu, ni kui küttisehaggu raggominne ollew Karl Kenderi ütlemise perra wangi töö olnu, nink nisama kige mu majatöö man ollew Karl Kender wäega holetu ja laisk olnu; kik sedda ollew temma Peter Laas, Karl Kenderile ette pandnu, kui temma Kender mitte hennast ei parranda, siis ei wõi temma mitte sedda palka temmale masma ehk peab tedda priis laskma. 

Karl Kender ütles selle päle, temma ei wõi mitte selle wiega Peter Laasi teni, sest Peter Laas peab wäega paljo tööd teggemist nõudma. 

Karl Kenderi kõnneltu palk teep kigega kokko rahha perra 60 Rbl. hõb.

Otsus: Kunnas Karl Kender sedda tunnistas, et temma mitte Peter Laasi töönõudmisi tehha ei woi, nink Peter Laas jälle mitte laisklemist ei tahha, siis om koggokonna kohus arwanu, et neil mõllembil kumb kumbalgilt ennamb middagi nõudmisi ei olle, selle et Karl Kender om 2te kuu tenistuse eest 9 Rb. wälja sanu nink se üts rubla middas Jakob Kenderile saata ollu jääb Peter Laasile kahjotasomis arwata. 

Se moistus sai kohtokaijadele Tallorahwa säduse ramato 1860 aastast §773 ja 774 järrel kulutud ja neile säduselikut oppuse lehed kätte antud. 

Sel 18. Julil s.a. Karl Kenderile Protocoll wälja antu. 

Pääkohtomees Hiskias Tamberg

Kohtomees Andrus Püwwi

  "  Karl Koch