Ette tulli Laswa mõisa ma piddaja Jürri Kehrmann nink tõst kaibust, et Jaan Wremann ja Johann Pelt omma temmal allan pool saiswat krami ärra warrastanu kui nimelt: 30 künart willast rõiwast wärt 30 rubla, 15 pestut lamba nahka wärt 20 rubl. 2 mõtu rüa jahu wärt 2.50 Cop ja 2 mõtu keswa jahu 2.50 Cop.; 2/3 wakka hernit 3.20 Cop; 5 mõtu keswa suurmit 10 rubla 

summa ülle kige 68 rubla ja 20 Cop. mes nema Laswa mõisa rendi herra Carl Kablitze man ollen ka jobba ärra omma tunnistanu ja mes nüüd ka jobba kõik kätte ärra om sanu; päle selle om Matli Treijer Orrawa wallast selle kramile hobbesega perra tulnu ja ärra tahtnu wija, kelle ülle ka Laswa walla wanemb Mihkel Tarro ja Andre Widrik Pindi wallast tunnistada woiwa, ja Laswa mõisa walitsus om ne warga Jaan Wremanni ja Johann Pelti ütte keiserliku Wõrro makohtu kätte ärra saatnu; - pallel kogokonna kohut neide awwalikus sadu wargidega säduse perra tallitada.

Otsus: Sedda asja ütte keiserliku Wõrro makohtu kätte mõistmises sisse sata.

kohtumees Jakob Eichorn

       "             Mihkel Rist

abi    "           Johann Brükkel

Kirjotj.: J.Kirrop