Selsamal paiwal 8 april 1885

Samuel Kärik kaibap et temmal 30 martsil tallist luku takast kos tapa maha murtu olli hobbene wart 60 rubla nink ristad 10 rubla wärt ärä warastadi mes ma Jaan Nagla päle arwa selle et Jaan Nagel selsamal paiwa minno pool kawwe nink kellege mano asja es tija ollewat ja ka ne jalle seda awalikus teijewa et ne hobbese jalle nink neid saabast jälle mes meije neide majast luisime seda awalikus teije. - Mes kül essa Jaan nagel ärä salgas et neide saabastega keage waljan ei olle kaunu. -

Woormunder Jaan Semm antse tunnistust et kui meije neid jälgi perra aijeme nink ni koni Sangsare jarweni tutta olli kos hobene kinni olli peetud ja saalt tema maja Jaan Nagel pale latsiwa. Nink tema poig perra nouseme mes päle Wana Jan eddimalt utles et ta Saalussehe lanu nink wimate jalle naine uttelnu et Wõrrol langa toma lanu ni et ta 5 paiwa weel kodo om tulnu. - 

Jaan Nagel antse selletust et tema sellest hobbese wargussest midake ei tija mina kawwe kül tol õddangol oma wellega Pussiga linda pääl neide samo sabastega kawwe nink  tõisel homongol kottost ärä latsi Saaluse utte naise mano oma tõbbe perrast kona perra mino ärä minnekit se praht takkan om sundinu.

Moistetu et takan ajamisse man jalle wöörmündre tunnistusse perra okwa neid Jaan Nagla pale oma juhatannu nink ne saaba jalle waega neide saabastega kokko sundiwa mes neide hobbeste jalgi man natta olliwa om Jaan Nagel sest hobbese wargussest mitte natta ollewat. Seperrast saadap se koggokona se prottokoli Keiserliko Werro Silla kohtu katte kes seda asja säädusse perra saab perra kullema.

Tempel