Kaibas Samul Zimmer temmal ollew minnewa aasta Septembre kuul mehhitse ajast 3 täwwe mehhitset aijast nurme päle wälja wedu ja sissest keik wälja puhhastetu nink neid tühji tarrot sinna jättetu, nink ei olle temma mitte selle süüdlasi jälgi päle järgi sanu, enne kui nüüd ilda sanu temma teada, et Juk Hansi, Ado Hansi (Wastse Anzlast) ja Jaan Kamel ja Jakob Kubbi ja Kristjan Mõttus. 

Johann Joakit ja Jakob Kubbi ollew temmale sedda tunnistanu, nink nisama Wabinast Jaan Anzow. 

Johann Joakit lut. usko tulli ette nink tunnist Juk Hansi ollew tol samal ööl kui Samul Zimmeri Mehitse kiskunuva ollu omma katte welletega Annemõisa poolt temmale wastu tulnu, nink olnu neil üks walge rõiwas ülle olge wõetu, nink olnu Juk Hansil 2 pu annumat ja 1 padda wangrin.

Jakob Kubbi lut. usko tulli ette nink tunnist, temma tijab niwõrra üttelta: ühhel päiwal tinnaw kewaja om Juk Hansi ommi mehitsetele met alla pandnu, nink olnu ütte krusi sehen selget met, nink üttelnu sis Juk Hansi, nende sõnnadega: "se messi on weel Samul Zimmeri poolt, sest minna puhhastasin temma mehitsetni wälja ni kui mõstu. 

Sel ööl kui Samul Zimmeri mehhitset warrastanu, siis ollew Juk Hansi mitte ööl koddun olnu, nink kui koddu tulnu, siis ollew Juk Hansi temmale üttelnu, et temma Jakob Kubbi ei peas mitte kellegile kõnnelema et temma Juk Hansi sel ööl wäljan olnu. 

Se assi jääb polele, tõises kohtopäiwas. Jaan Anzow Wabinast tullep ette tallitada. 

Pääkohtomees Hiskias Tamberg XXX

Kohtomees Andrus Püwwi XXX

  "  Karl Koch XXX