Selsamal päiwal 22 april 1885

Kusta Pik kaibas et Peep Hunt tema tarre essitse tetta wõtnu kelle wasta ma temale suwwi läbbi egast nadalist 3 paiwa hobbest tootata piddi andma nink se too pidi Jakob päiwas tettu ollema. 

Kuna Peep Hunt ennege 1 1/2 paiwa tööd seda tema jo too perrast et ma arwsi et temmast teggijat es sa leppingo ülles utli ja ennamb hobbest eddessi es anna nõuwa om(m)a ärä teenitud hobbese paiwate eest mes kokko 23 paiwa ega paiwa eest uts rubla ja essitse eest 60 kop.

Peep Hunt utles et Kusta Pik temmale enne aiga ülles om uttelnu kona ma se töö ajalt olles ärä tennu ja hobbest mitte ennamb andnu mes ma ka kohtule ülles anni om Kusta Pik leppingo murdnu ei olle temmal midake minno käest hobbese teenistusse eest nouda. -

Moistetut   Et Kusta Pik essi ka ei salga et ta Peep Huntile se töö ülles om üttelnu sis es sowi ka Hunt tema essist mitte tetta ent hobbese paiw Peep kül sanu ütles ollewat kui paljo nõudminne õiges arwatud.

Otsus Tarre essitse tegemisse kahjo saamissega Peep Hunt priis arwatud ent 23 hobbese paiwa est ilma mehita 80 kop paiw nink mehega 1 rubla paiw mes kokko 19 rbl 80 k walla tegge peab Peep Hunt Kusta Pikale 14 paiwa sissen walja masma.

Tempel   Se otsus § 773 ia 774 perra kuulutetu. 

                 Kombke ei olle rahu olnu ja opus lehe wälja sanu. -

Ääremärkus:  erra kiri 1 mai