Kaibas Kohtomees Jaan Treumuth temma piddanu wallawannemba kässo päle walda minnema päraha ajamise perrast, nink tulnu, Jaan Latsaruse mannu, sest Jaan Latsarusele ollew omma sõssara poja eest pärahha massa, ni kui temma nüd selle ülle sääl nõudmist tennu, ni ollew Jaan Latsaruse naine tedda häbbematta kombel tedda teotanu ja trotsnu nink temmale perst pakkunu lakku ja muid nisuggutsit sõnnu, nink Jaan Latsarus ollew essi man ollnu, ja ei olle mitte tedda kelnu. 

Tunnistaja om selle man ollnu, wöörmünder Johann Akkermann. 

Johann Akkermann, tunnist, temma olnu sääl, nink Jaan Latsaruse naine ollew wäega kroppu ja roppu sõnnu üttelnu, nink üttelnu, nende sõnnadega: "ne ammetniku ommawa zea pahhast wälja tulnu, -ent Jaan Treumuth eiolle mitte ütte halba sõnna üttelnu, ent waigistanu Jaan Latsaruse naist. 

Leno Latsarus Jaani naine tulli ette nink üttel temma ei olle sedda mitte ni halbas arwanu, mis temma ehk wälja üttelnu. 

Otsus: Leno Latsarus pallus kigi ammeti mehhe temmale andis anda, nink es lubba ennamb mitte ni rummal olla, nink sai siis Jaan Treumuthi poolt ka sedda perra antud. 

Pääkohtomees Hiskias Tamberg XXX

Kohtomees Andrus Püwwi XXX

  "  Karl Koch XXX