Kaibas Peep Lippart, sel 1. Julil s.a. warro hommungul Jakob Kubbi temma ilmkolin käimata tütre Liiso mannu tükkinu, ent temma lännu pinni haukumise päle sinna nink lõidnu Jakob Kubbit omma tütre man ollewa. 

Selle päle wõtnu temma Jakob Kubbit kinni nink hõiknu appi, ent Jakob Kubbi ollew temmale ütte lögi rinto lönu ja paggenu ärra. 

Jakob Kubbi sai ette kutsutus ja wastutas temma ollew kül päiwa nõsengu aijal Peep Lipparti maja lännu nink tahtnu Rein Lippartiga kokku sata, lännu enne korrustehe, nink Peep Lipparti tütar Liiso ollew sääl magganu, nink Peep Lippart ollew selle päle appi hõiganu, ent temma ei tija mis eest Peep Lippart appi hõiganu. 

Peep Lippart nõuwab omma lögi eest 6 Rbl. Jakob Kubbi käest. 

Otsus: 

Jakob Kubbi peab Peep Lippartile 3 Rbl. wallo rahha ja 1 Rbl. kerriko ladikule masma, omma pühhapäiwa hommungu hulkumise eest, ja saab 20 witsa löki.  Se rahha peab Jakob Kubbi 2 näddala aija sehen sija kohto katte sissemasma. 

Pääkohtomees Hiskias Tamberg XXX

Kohtomees Andrus Püwwi XXX

  "  Karl Koch XXX

Abbikohtomees Samul Zimmer XXX