Hans Oija Arrolast kaebas et Jürri Fenster ollewad temma poiga Karl Oija 1. Augustis senni kui 1. Aprilil 1876 8 kuu pääle teenistussen wõtnu ja teenistuse kaupa teenu nink selle aija eest 30 Rbl. palkas lubbanu se teeb kuu pääle 375 Cop. agga sepp om nüid poisi ärraaijanu - selle nõuan minna 8 kuu palka 27 Rbl. kätte, kolm Rbl om kätte saanu.

Georg Fenster wastab Hans Oija ollewat oma poiga wäega kittnu, et keik tööd moistawa, agga pois ei moistawad tette selle om ta moissi wallale tennu. Uets kuu om pois temma man ollnu selle om ta 3 Rbl wälja massetus saanu, 75 kop om palkas mahha wõetu, selle et pois 4 päewa Arrolan kohto man käenu. Sepp Georg Fenster tahhab poisi teenistusen taggasi wõtta.

Hans Oija wastab et ta poisi ennamb seppa mannu ei anna.

Moistus: Selle et poisi essa Hans Oija poisi ennamb seppa man ei tahha anda, peab ta omma kaebussega rahho jääma, agga kui Hans omma poiga senni kui 1 Aprilini seppa mannu teenistussen annap, sis peab sepp Georg Fenster poisil ka selle aija eest, mes pois teenistusses ärra olnu ka palka wälja masma.

Moistus kuulutadi §773 selletamissega.