Hans Normann kaebas et temmal Adam Eichenfeldi käest ollewad saada, ja nõuab et kohto poolt sahas se wõlg sisse nõuwetus ja temmal wälja mastus ja nimmelt: 

1. ütte pool kallunu wessiweski kiwi eest     15 R.

2. 100 Rubla raha intressi 4 aasta eest, se wõlg

ollewad kül ammo ärramastu, aga intressi masmata 20 R.

3. ütte suwi lehm nüsmise eest 10 R.

4. Härja kündmise eest 5 R.

5. Kartofli eest jäänu wõlgo 2 r 60 Cop

6. 13 nakla rauda eest a' 7½ Cop. - 97½ Cop.

7 ütte wilja kottei eest 1 R.

Suma 54 R 57½ Cop.

Adam Eichenfeldt wastap selle nõudmisse pääle

ad1. üts wanna ärrajooksnu kiwi poolt, kogoniste ärrajppksnu ja aida trepi alla ärrawissatu sele eest ei massa minna ütte kopiko, aga kui Hans tahap anna mina sääratsit temal tagasi

ad2. 100 rubla wõlgo ollen minna ligi seitse aasta kui ärramastu, sest minna es olle raha intresi pääle wõtnu, kui raha saije wastu saije ka intressi mastu.

ad3. lehma olli kül ütte poole suwe mino käen nüssa sest minna tahtsin lehma osta, siis Hans ütli minna ei wõi kül sul müija, aga minna annan müido.

ad4. Härg olli minno kätte künda, aga minno bul olli jälle sel suwel Hansol karja bullist,

ad5. Kartoflist ei tia minna middagi

ad6. 13 nakla rauda wõi olla kui ka õige ei olle siiski tahan minna ärramassa 97½ Cop.

ad7. üts wilja kott om õige ja luban ärramassa 1 R.

Adam Eichenfeld ütlep minna nõuan Hans Normanni käest ütte kogoniste waste kiwi pool, peab Hans mul tagasi andma ja 2 koorma haina eest 16 Rubla. 

Hans Norman ütlep üts pool kiwi om õige, 2 koomra haina om Adam suwe töö eest et minna omma rahwas temal abis andi wilja kokku punda tassa tennu.

Otsus: Teisel kohto päiwal kaebaja kaebatu nink tunnistaja ette tallitada.