Ette tulliwa selle kaddona Nodas-Willago tallo perisomaniku Peter Kütti perrandajide wöörmündre Peter Truup ja Johann Rüster nink anniwa selle kogokonna kohtu een ülles, et sellel kaddona Peter Küttil        rubla oma maja päle wõlga perra om jänu, et näide nägemise perra ne perrandaja sedda wõlga omast maja sisse tullekist kui ka likuwast warrandusest mitte enamb ärra tasoda ei jõwwa, kelle perrast nema neide kadona Peter Kütti perrandajide lubba ja sowimist möda nõus omma wõtnu, sellest kaddona Peter Kütti perisostetust majast, mes 12 talerd suur om, puul se om 6 talerd hä tingimisega mant ärra müwwa, nink palsiwa kogokonna kohut, selle ülle ütte Protokolli ülles wõtta, ja selle asja ülle omma hääs arwamist awaldada.

Selle päle arwas kogokonna kohus hääs: et sellest kigest nätta om, et sündsamb olles sellest kaddona Peter Kütti perisostetu majast 6 taalrit perisherra kui ka suremba kohtu lubba läbbi selle tingimisega sellele mant ärra müwwa, kes selle maja pääl saiswa wõlla 234 rubla ära massap ja neid alealitsi latsi weel 6 aastat oma hole al eddesi kaswatas.

Otsus: Sellest kogokonna Protokollist neile wöörmundrile üts copia wälja anda perisherrale kui ka suremba kohtule ette panemises.

kohtumees Jakob Eihorn [allkiri]

      "              Mihkli Rist [allkiri]

abi    "           Jukan Brükel [allkiri]

Kirjorj.: J.Kirrop