Andres Rekkandi kaebuse asjon Mansdorfi wasta wülgo nõudmisse perrast, tulli ette tunnistaja Alexander Andreson ja ütlep, et temma mitte nännu ei ka kuulnu ei olle, et Rekkand olles Mansdorfil raha wõlgo andnu ehk ka sest middagi kõnnelnud, sest temma ei teawad sest asjast mitte middagi.

Johan Mansdorf ütlep et Kusta Uinti tunnistus üts wälja mõtteldu wõlsmine ollewad, sest Kusta Uint ei ollewad kunnagi temma manu käinud, es olle ka temma wõinud Rekkandil üttelda et ta 20 Rbl wõlgo om, sest kunnagi temma se raha wõlgo wõtnu ei ollewad. Mis perrast siis minnewal aastal Rekkand es anna kohtole ülles et temmal Kusta Uint tunnistaja om, sest minnewal aastal saije se assi kohto läbbi selletedus.

Mõistus: Andres Rekkand kaebuse Johan Mansdorfi wasta raha wõlgo nõudmisse perras saap tühjas arwatus, selle et Rekkandil üttegi selge tunnistus es olle et temma Johan Mansdorfil raha wõlgo om andnu.

Mõistus saije kuulutedus §773 selletamissega.

Andres Rekkand es olle rahol ja saije oppuse kirri kätte et Suurembal kohtol wõib kaebata.