Pühajerwe walla wannemb M. Müller kaebas et wälja lastu soldat Jaan Rebbane om perremehega Johan Kahroga ütte aasta teenistuse kaupa tennu, aga perrast kui ta üts kuu olli teeninu om ta walla wannemba abi Johan Kahrol ütte wõls kirja ette näitanud, et Tarto Makohhus temma ollewad kutsunud ja selle mõduga oma tusiko wälja petnu, aga nüid Johan Rebbane Pühajerwe walla piiri seen jahi piddawad ja ka wahel Pühajerwe wallan ellawad, kui temma tusikod küssiwad, siis ütlewad Jaan Rebbane minno tusik om Tarto Makohto kätte. Aga se perrast et ütski soldat walla piiri seen ei wõi ellada nõuab Walla wannemb et Jaan Rebbane omma tusik temma kätte pea andma, müido saap temma Keiserliko Tarto Makohtole ärra saatedus

Jaan Rebbane wastap minna ollen Tartu Makohto kätte oma tusiko ärraandnu ja ka essi Tarton ellan, Jaanipäiwast ollen minna suggulaste käima wälja tulnud. Se täht mis minna wöörmündril Johan Kahro ette näitasin ollen minna essi kirjotanud sest minna tahtsin perremehes wallale saada.

Otsus: Soldat Jaan Rebbane saap Keiserliko Tarto Makohtole ärra saadetus, se perrast et temma ilma tusiko ümbre hulgub nink saap palleldus et Jaan Rebbane sahas wõlsi kirja teggemisse perrast trahwitus.